Alex Anmahian, bestalde, AW estudioaren bazkide sortzailea da. Diziplina anitzeko estudioa da, lankidetzan asko oinarritzen dena, eta diseinuan zein eraikuntzan berrikuntzarekiko konpromisoa duena. 1992an ireki zenez gero, AW estudioak askotariko proiektuak gauzatu ditu (instituzioenak, merkataritzakoak, bizitegienak zein industrialak), eta horiei esker, ospe handia lortu du nazioan zein nazioartean.

Arkitekto honen artikuluak Amerikako, Europako zein Asiako hainbat argitalpenetan agertu dira, eta diseinu sari ugari irabazi ditu. Arkitektura Masterra dauka Anmahianek, Harvardeko Unibertsitateko Graduate School of Design-en (GSD), bai eta Giza Zientzietako Lizentzia bat ere, Floridako Unibertsitatean, eta eskolak eman ditu MITen zein GSDn.