Juan Mera: “Arkitektura da zama politikorik handieneko artea"
1970 Urtarrila 1
Juan Mera, Gaztela-Mantxako Arkitektura Unibertsitateko zuzendaria, MUGAK I Nazioarteko Arkitektura Bienalera iristen da hainbat gauzak erakarrita: "Donostia hiria; Bienala gauzatzen den une historikoa; eta komisariotza eta haren ikuspuntua, ulertu baitu arkitekturaren norabidea dagoeneko aldatu dela, orain dela gutxira arte bazterrekotzat hartzen zen bidea jarraitzen ari dela".
Arkitekto ospetsu honek MUGAK-en parte hartuko du bi proposamen eginez. Hitzaldi bat 'Zazpi aldedun kutxa' ('La caja de siete lados') izenekoa, non "arituko baita etxeari buruz pentsatzen, eta haren forma eragiten dituzten zergatiak ulertzen. Saiakera apur bat kritikoa izango da azken urte hauetan arkitekturan nagusitu diren zenbait joerarekiko", azaltzen du. Halaber, Meraren hitzaldian berak 'Markarik gabeko arkitektura' deituriko proposamena azalduko du, eta hura gauzatzeko bete beharreko puntuak aztertuko ditu.
Juan Meraren iritziz arkitektura "zama politikorik handieneko artea" da, eta honela azaltzen du "hortik dator haren egindura korapilatsua". Hau da, haren ustez "oso erraza da itxuraz aurrerakoia ematen duen zerbait egitea nahiz eta egiaz interes handien menpe dagoen".
Diziplina honek bete beharreko xedeari dagokionez, Meraren ustez "arkitekturak zentzua izango du soil-soilik baldin eta gizartearekiko konpromisoa betetzen badu. Arazoa honetan datza, arrakastarako formulen barruan disimulatzen da lan gutxien metaketa, geroago propaganda xedez erabiliko direnak, eta aurrekontuan sartutako guztia gastatzen dutenak, hiria oreka dezaketen lan txikietan banatu ordez" Horri dagokionez, gaineratzen du gai hori "zain" dagoela, eta "gai nagusia hauxe dela, inguratzen gaituen ia dena hobetu behar dela, askotan zerbait kentzen jarri beharrean".
